माछापुच्छ्रे डिस्टिलरी पूर्वी नेपालको झापा जिल्ला, हाल झापा गाँउपालिका साबिक शरणामती–६ मा अवस्थित छ । माछापुच्छ्रे (अङ्गे्रजीमा फिसटेल) हिमालको नामबाट यसको नामकरण गरिनुले नै नेपाली प्रकृति, हिमाली संस्कृति, सभ्यता र सौन्दर्यप्रतिको अगाध आस्था, विश्वास र प्रेम झल्किएको छ ।

नेपाल र नेपालीको चिनारी बोकेको एक सुन्दर अनि पवित्र हिमालको नामको उच्चारण गर्न पाउनु, यसलाई प्रत्येक नेपालीका घर घरमा पुर्याउनु र देशमा मात्र नभएर विदेशमा पनि यसलाई परिचित गराउनु हाम्रो भावनात्मक लक्ष्य हो । यसको प्रचार–प्रसारमा पर्यटकीय गन्तव्य पनि अभिव्यञ्जित भएको छ । यो हाम्रो अघोषित रहर पनि हो । तर डिष्टिलरी भन्नासाथ भावनात्मक कुरामा सीमित हुन भने सक्दैन ।

देशको संविधान, राज्यले निर्धारण गरेका ऐनकानुन, सामाजिक मर्यादा र जनस्वास्थ्यप्रति अत्यन्त सचेत र इमानदार रहेर वैधानिक आचरणलाई नमिची मान्छेको अनौपचारिक जीवनलाई उल्लासमय परिवेशमा रुपान्तरण गर्ने लक्ष्यका साथ जुनसुकै देशमा पनि डिष्टिलरीहरु सञ्चालन हुने गर्दछन् । माछापुच्छ्रे डिष्टिलरी पनि त्यही मर्यादाभित्र रहेर सञ्चालन हुँदै आएको निजी उद्योग हो ।

ह्विस्की, भोड्का, रम तथा जीनका पारखीहरुका लागि यसले वर्गअनुसारको सहज अनि सरल मूल्यमा स्वादिष्ट अनि गुणस्तरीय उत्पादनहरु उपभोक्तालाई उपलब्ध गराउँदै आएको छ । सम्पूर्ण उपभोक्ताहरूको सन्तुष्टि नै हाम्रो प्रमुख उद्देश्य रहेको छ । यसले हाल ४० र ५० यु.पी.का गुणस्तरीय उत्पादनहरु जस्तै पासवर्ड, डार्क फरेष्ट, इम्प्याक्ट, जिग्री, सेल्फी, जुम्बा, चरीचुच्चे च, मिक यु आदिको नेपाली बजारमा बिक्रीवितरण गरी अल्कोहलका पारखीहरुलाई उत्कृष्ट स्वाद पस्कन सफल भएको छ । साथै निकट भविष्यमा नै देशविदेशमा समेत निर्यात गर्ने उद्देश्यसहित हिमालयको कञ्चन पानीको उपयोग गरी २५ र ३० यु.पी.का उच्च गुणस्तरीय ह्विस्की, भोड्का, रम तथा जीनको उत्पादन गर्न तत्पर रहेको कुरासमेत जानकारी गराउन पाउँदा हामीलाई हर्षबोध भएको छ । आजको दुनियाँमा मर्यादित मनोरञ्जन, उल्लासमय अनौपचारिक जीवन र फुर्सदको आनन्दमय सदुपयोग स्वाभाविक मानिन्छ । अल्कोहलको उचित एवं मर्यादित प्रयोग मानव जीवनका लागि आनन्द, उल्लास तथा मनोरञ्जनका लागि सहयोगी सिद्ध हुँदै आएको छ । यो अराजकता, उच्छृङ्खलता, समाज विखण्डन तथा पारिवारिक तनावको विषय बन्नु हुँदैन भन्ने कुरामा हामी अत्यन्त सचेत छौँ । मानव जीवनमा स्वास्थ्यसँग प्रत्यक्ष सरोकार राख्ने मदिराजन्य वस्तुको उत्पादन शुद्ध र अत्यन्त गुणस्तरीय हुनुपर्छ र बिक्रीवितरण कानुनी मर्यादाअनुकूल हुनुपर्छ भन्ने कुरामा हामी प्रतिबद्ध छौँ ।

माछापुच्छ्रे डिष्टिलरी उत्पादन र बिक्रीवितरण सम्बन्धी उल्लिखित विचार र दर्शनप्रति सदैव गर्व गर्दछ । यही हाम्रो अविचल निष्ठा हो, व्यापारिक इमानदारिता हो र देश तथा जनताप्रतिको नैतिक दायित्व हो । यिनै मर्यादाभित्र रहेर उत्पादन गरिएका माछापुच्छ्रे डिष्टिलरीका हरेक उत्पादनहरु तपाईंको प्रत्येक रमाइलो पलका साथी बन्न सफल भएकामा हामी गौरवान्वित छौँ । साथै समाज, स्वास्थ्य र परिवारप्रति सचेत रहेर तपाईंले हामीलाई निरन्तर साथ र सहयोग प्रदान गर्नुहुने छ भन्ने आत्मविश्वासका साथ हाम्रा हरेक उत्पादनहरु सगौरव प्रस्तुत गर्दछौँ ।